Գլխավոր.
- Մինչև 2022 թվականի նոյեմբեր ProfHolod-ն իր 4 արտադրական շենքերի տանիքներին կտեղադրի 1910 արևային վահանակ/li>
- Նոր արևային կայանը մինչև 20% կբարձրացնի վերականգնվող էլեկտրաէներգիայի մասնաբաժինը ProfHolod-ի արտադրությունում/li>
- Մինչեւ 2023 թվականը ProfHolod-ը 10 անգամ կնվազեցնի CO2-ի արտանետումները մթնոլորտ
ProfHolod-ը մինչև 2022 թվականի նոյեմբերն իր արտադրական շենքերի տանիքներին կտեղադրի 1910 արևային վահանակ՝ 800 կՎտ ընդհանուր հզորությամբ։ Օգտագործելով նոր արևային կայանը՝ էլեկտրաէներգիայի մինչև 20%-ը ProfHolod-ը կստանա վերականգնվող աղբյուրներից։ Մինչև 2023 թվականը ProfHolod-ը 10 անգամ կնվազեցնի CO2-ի արտանետումները մթնոլորտ՝ տարեկան մինչև 200 տոննա:
«Մինչև 2023 թվականը նախատեսում ենք դառնալ աշխարհում էկոլոգիապես ամենամաքուր սենդվիչ վահանակների և սառնարանային դռների արտադրողը: Ներկայիս դրությամբ մոլորակի վրա չկա նման ընկերություն, որն իր հոսքագծերը 20%-ով ապահովում է արևային էներգիայով՝ տարեկան արտադրելով 3 միլիոն քառակուսի մետր սենդվիչ վահանակ և արտադրանք արտահանելով 27 երկիր»։
Սերգեյ Տոկմակով, ProfHolod-ի գլխավոր տնօրեն։
Վերականգնվող էներգիայի զարգացումը ProfHolod-ի առաքելության մի մասն է․ ստեղծել գիտատար լուծումներ ջերմության կառավարման համար, որպեսզի աշխարհը զուր էներգիա և գումար չվատնի:
Արևային վահանակների տեղադրման տարածքի ընդհանուր մակերեսը կկազմի ավելի քան 11 հազար քառակուսի մետր։ Արևային կայանը կլրացնի արդեն իսկ տեղադրվածին և կտեղակայվի ընկերության շենքերի տանիքներին՝ PIR Premier մեկուսիչով և բազալտե մանրաթելով սենդվիչ վահանակների արտադրության շարունակական հոսքագծերով երկու գործարանների, բազմաեթերների սինթեզի և սառնարանային ու արդյունաբերական դռների արտադրամասերի վրա։
Արևային կայանը կնախագծի և կտեղադրի Հայաստանում արևային մոդուլների առաջին արտադրող SolarOn ընկերությունը։
ProfHolod-ն արևային էներգիա օգտագործում է 2016 թվականից։ 2021 թվականին ընկերությունը մշակել է Solar Sandwich համակարգը, որը թույլ է տալիս արևային վահանակներ տեղադրել արդեն կառուցված շենքերի վրա։
