ProfHolod-ի R&D կենտրոնի մասնագետների հետ առցանց կոնֆերանսին մասնակցեց Հայաստանից 10-12-րդ դասարանների 20 դպրոցական: Հանդիպումը կայացավ Պատանի քիմիկոսների համահայկական մրցաշարին ընկերության աջակցության շրջանակներում։ Մրցաշարը կազմակերպում է «Այբ» կրթական հիմնադրամը։
ProfHolod-ի R&D կենտրոնի մասնագետները դպրոցականներին առաջարկել են հետազոտության 8 ոլորտ, այդ թվում՝ recycling՝ պոլիուրետանային և պոլիիզոցիանուրատային մեկուսիչների կրկնակի օգտագործումը, արտադրական այլ թափոնների վերամշակումը և օգտագործումը, պոլիուրետանային մեկուսիչների շուկայի զարգացման միտումները, բնական գործոնների ազդեցությունը մետաղի բնութագրերի վրա, քիմիական արտադրությում աշխատանքի պաշտպանության ոլորտի միտումները։ Առցանց կոնֆերանսի ընթացքում ուսանողներն այս թեմաներով ներկայացրեցին 12 պրեզենտացիա։
ProfHolod-ի աշխատակիցները հատկապես նշեցին պոլիուրետանային մեկուսիչի վերամշակման մեթոդների մասին Վանաձորի թիվ 11 ավագ դպրոցի «Լույս» թիմի պրեզենտացիան և Դավիթ Հակոբյանի՝ բազալտե մանրաթելի թափոնների օգտագործման ժամանակակից տարբերակների մասին զեկույցը։
Կոնֆերանսի շրջանակներում R&D կենտրոնի մասնագետներն առցանց շրջայց կատարեցին ընկերությունում, ցուցադրեցին պոլիիզոցիանուրատային մեկուսիչի փրփրման գործընթացը, ցուցադրեցին հատուկ նպատակով մշակված PIR Premier համակարգի համար նախատեսված բարդ բազմաեթերներ արտադրող սարքավորումը, սենդվիչ վահանակների որակի մուտքային և ելքային վերահսկման սարքերը:
Լինելով Ռուսաստանում սենդվիչ վահանակների միակ արտադրողը՝ ProfHolod-ը վերահսկում է սենդվիչ վահանակների արտադրության տեխնոլոգիան և որակը բոլոր փուլերում, ներառյալ PIR համակարգի բաղադրիչների ընտրությունը և խառնուրդը, աջակցում է քիմիական գիտությունների նկատմամբ երիտասարդների հետաքրքրության զարգացմանն ուղղված կրթական նախաձեռնություններին:
